#ParentLicenses1976

成日搭38號巴士都俾啲「畜牲」打尖！明明成條隊喺度，牠們也會好順理成章咁攝入來的！

之前有件肥矮醜男拿着馬經，佢一路睇，一路行，也可夾硬攝我前面。我當時孭住個環保袋，咪隔住個袋喺後面大力推咗佢一嘢兼且踩佢一腳

話說今日我排緊隊上車時，有個年約10歲，身高約150cm高嘅細路仔以「放狗式」咁拖住佢老母喺後面，又一嘢攝咗我前面，一口氣衝咗上車！

我咪吟咗句：「咁樣打尖都得嘅？真無教養！」

佢老母即擰轉身，瞪大眼，鬧我：「嘈嘈嘈，嘈咩呀？我哋唔坐㗎，企㗎！而家咪俾你行返前去囉？想點啫？」

嗰句「想點啫」×講咗次

我話：「無無無，讚妳叻，好家教啫！」

對方繼續發雞癲：「咩啫？想點？俾你行先囉！」

我真係大開眼界，喺細路仔面前做錯唔認，重要聲大夾惡！等同同個仔講：「理虧唔緊要，發爛渣就得！」

根本係一堆歪理！你話「唔坐，只企」就可以唔排隊？真係巴士乘客新秩序，港媽亂鳩敘（述）！

你已經打咗我尖上埋車，拍埋八達通，話俾返我行前去？插完我一刀，𢛴返出嚟，就可以話無事發生過？果然係潑婦，癲雞，蠻夷！你唔覺醜，重理直氣壯果吓先絕

後續我上咗上層，所以唔知佢係咪咁有骨氣企到落車啦！

中途有個着龍運制服嘅肥婆插把口埋來：「大把位，使乜咁少事也睇唔開，嘈住晒？」

呢啲係立場問題，妳咁睇得開，返工唔好出糧吖！乘客上車唔俾錢都咪出聲呀！第時你俾呢類社會棟樑周街一刀隊死，咪怨無人理！

我被人剝削，遇到不公平對待，不選擇做「鍵盤戰士」，而選擇即場出句聲啫，竟然都被兩隻蠻夷圍攻！？

而家香港啲社會風氣，真令人氣結、傻眼！難怪咁多人會移民，香港已無得救！

圖片來源@globo.com
讀者投稿@chanel5fifth