ParentLicenses1954

放學時段，我如常同小朋友喺小巴站跟住地下線排隊，我哋排隊位置較為中間，而前同後面都有人排隊

當小巴到達嘅時候，有一班喺巴士站嘅學童及家長走過來從中間突入

突入家長：「俾人哋上先啦！」

我：「乜嘢叫『俾人哋上』先？我哋呢度排緊隊喎」

突入家長：「我哋喺嗰邊一早排緊！」

我：「你哋一啲企巴士站，一啲周圍走，鬼知你排乜咩！」

跟住我同小朋友直接上車

之後小巴唔夠位，佢哋要分兩架

真好笑，鬼唔知巴士站有瓦遮頭，唔使曬太陽，但係你企巴士站，人哋點知你排乜嘢？重好意思叫人「禮讓」俾有「排隊」嘅人上車先

好心做好身教，地下畫咗線就跟返線排啦

讀者投稿@憤怒鳥