#ParentLicenses1952

今日去The Wave一個市集支持本地創作，未到會場就已經知排隊搭𨋢時間好長，因為有朋友由3點多排隊等𨋢要排超過一個鐘，而最估唔到係遇到一名非常自私嘅家長

我同小朋友到達The Wave下面排隊，當時目測等候人數只有大概數十人，自己估計第一部𨋢可以入到

𨋢一到，排隊人士魚貫而入，排喺我前面係一家三口（女女大概4-5歲）先入。及後，我見到有三位少女想入𨋢，於是我示以其中一位：「夠位入到三個」

呢三位年輕人亦好有禮貌咁：「唔該」

當部𨋢開始上嘅時候，有位女士突然問：「我個女有冇夾扁到？」

之後有位男士答：「雖然佢肥，但無夾到你個女」

其實當時我喺企喺佢哋面前，心諗：「使唔使咁講嘢中傷人？有位俾人入係錯咩？點解啲人可以咁自私？自己有小朋友唔可以有禮貌講聲『入唔到』、『小心啲』等等？」

小朋友細粒怕人會唔小心整到，都可以喺準備入𨋢時抱住小朋友！你做父母唔理，咁邊個會理到？等外人教你？唔使講呢啲仲衰過粗口嘅說話對人！真心做人父母真係要考牌

讀者投稿@13X的伴妹