#ParentLicenses1946

9月12日7點幾去九龍灣IKEA行，當時我去到賣床地方，分別見到兩個家庭

首先見到有一媽咪帶住個仔約四至五歲，個媽咪望住佢由得佢着住鞋踩上張床度玩，對鞋底黑污糟嘅，而床上有被、公仔同枕頭

另外又有對夫婦兩人加兩個小朋友大約兩歲同四歲左右，喺第二張床又係有被、枕頭同公仔嘅床度周圍踩，都係鞋底污糟嘅，父母又係全程望住但冇理到

講真，一來疫情，二來其實咁樣踩完，其他真係要試床嘅人就污糟晒，三來咁樣整污糟人哋啲貨品唔覺得有問題？大人試床鞋位都有塊布墊住避免啲鞋整污糟啦

正常做大人嘅，一係教育小朋友佢哋，一係控制佢唔好踩，再唔係就除鞋後試床

其實係我有問題定佢哋要考牌？

讀者投稿@唔除鞋上床踩正常嗎？