#ParentLicenses1942

小朋友啱啱返N班，每日送返學時，總會見到有小朋友唔捨得爸媽而大喊大叫

然而，有幾次聽到老師喺門口都已經大叫：
「收聲啦！唔好再喊！你喊到我耳仔痛唔同你講嘢！」
「你太嘈我講唔到嘢，而家好即刻同我收聲！」
唔敢想像佢哋入到班房究竟會再點對小朋友

有家長好認同老師用呢類兇暴態度咁喝止小朋友眼淚，反而我其實覺得佢哋俾咗好大陰影小朋友。無論個小朋友有無份喊，聽住老師用咁惡嘅語氣說話，其實唔係反而會更加令小朋友抗拒返學咩？

我唔知我係咪屬於太軟弱嘅呀媽，定係而家普遍學校都係咁對啲只有兩歲小朋友？會唔會即使轉咗校，但其實普遍老師都係咁樣處理喊嘅小朋友

求資深媽媽或者老師意見，謝謝

圖片來源@Pomato 小薯茄
讀者投稿@掙扎