#ParentLicenses1917

而家疫情好嚴重咩？

事源啱啱去某新界屋邨商場公廁，行去廁所路上，見到有個類似中一年紀嘅女仔帶住個初小年紀嘅女仔去廁所

洗完手後，發現佢哋企喺廁所門口，我冇為意點解佢哋唔開門出去。當我拉門出去時，佢哋突然講「唔該」，始察覺原來佢哋係等人開門

轉瞬下一秒間，佢哋就用隻腳隙住道門！兩個都踢到我條褲腳！竟然一句說話都唔講！

我即時問佢哋點解唔自己開門之餘，重問佢哋點解識講「唔該」，但用腳撩到我條褲又唔識「道歉」

睇嚟等人開門呢啲無家教行為都係家長教落

讀者投稿@路人