#ParentLicenses1893

唔知大家有冇同感？定係其實我有問題？每次帶阿B去公園玩韆鞦，總係有細路橫衝直撞闖入韆鞦區

我小朋友鍾意韆鞦揈得高，啲細路衝埋嚟，嗰個力道真係會受傷㗎嘛！試過好多次我要監生用力扯停個韆鞦，等衝埋嚟嗰啲細路冇事，但係嗰啲細路嘅父母只喺側邊目擊整個過程，完全冇教導或阻止嘅意圖

其實我真係唔明，好多比較新嘅遊樂場，韆鞦區都有圍欄圍住，即係說明呢個區係有危險性，係需要注意。然而，點解啲父母可以任得啲細路衝入去人哋打緊韆鞦嘅範圍？唔通佢哋其實expect打韆鞦嘅人要遷就衝埋去嗰個？

換句話說，係咪即係打韆鞦只可以輕輕搖晃呀？因為我要保護你嘅子女，因為你唔阻止佢喺韆鞦區衝撞奔跑，我就要為你子女負責

如果真係有意外，責任係玩韆鞦嘅人度？定係係被撞嘅小朋友嘅父母身上呢？

讀者投稿@點姐