#ParentLicenses1872

話說我係做教育的，每年都會有大學生嚟做下part-time，幫手帶小朋友出入同協助下課堂，期間遇過不少受保護的「小朋友」

例子一

通常正式上堂前，我哋會叫新人提供可以上班嘅時間表，亦再三提醒新人若俾咗時間空檔上班就盡量唔好請假（當然真係唔舒服或者有急事嘅OK），然而每年總有幾個會經常請假，佢哋會話：「你問我阿媽，我阿媽叫我去玩、去行街」「我媽咪話一個禮拜只可以返兩日，返到多會攰」

例子二

有一個重勁，直頭俾埋佢阿爸同阿媽電話我，叫我直接同佢哋約上堂時間，佢就淨係負責出席

例子三

如果大學開學佢哋會辭職（呢點我明白的，學業始終比較緊要），但係俾少少責任心，唔好上堂前一日同我講，要辭職早少少講可以嗎？

辭職當然重有其他理由，例如「我阿媽話唔想我返工」「我阿媽話屋企唔等錢開飯，暑假應該休息吓」

其實大部份都係「阿媽話」

「小朋友」都已經讀到大學，希望家長可以放手，「小朋友」先可以成長到。過多兩年佢哋就要出嚟做嘢，唔通到時又「阿媽話」就解決所有問題？

圖片來源@BB來了
讀者投稿@無奈的人