#ParentLicenses1864

我住喺山區地方，因為地方偏僻， 所以只有小巴、的士，或者自己揸車先可以到達

昨天中午， 我同小朋友放學後一如既往坐小巴返屋企。因為早一班架小巴載滿客開走，所以我哋架小巴只有四個乘客，分別係一位小姐、一位初小男同學及佢嘅工人姐姐、我同我嘅小朋友

工人姐姐坐司機後面嘅雙坐位， 而小朋友則坐小巴車轆高少少嘅單坐位。我同小朋友就坐喺佢隔離嘅雙座位

司機等咗幾分鐘，都唔見有其他乘客，所以決定開車。直至去到上山嘅中段， 我哋發現早一班架小巴同貨車發生碰撞

小朋友當然會問「發生咩事～發生咩事？ 」

做大人嘅我當然要安慰小朋友，叫大家坐定定。反觀另一個小朋友嘅工人姐姐全程無理過佢嘅少主

塞咗一輪， 我哋又開車喇。唔知兩位小巴司機係咪傾咗啲咩，我哋架車保持距離殿後，慢慢跟住撞過嘅小巴

未幾，坐隔離嘅小朋友開始喃喃自語：「車死你、撞死你」「車死你、撞死你」

又突然大叫：「撞車喇！」跟住喺度踢櫈

連我同我嘅小朋友都嚇咗一下，但佢嘅工人姐姐仍然無動於衷

坐佢前面嗰位小姐，露出不悅的眼神，忍到落車嗰下，即同佢嘅工人姐姐講：「睇住個細路喇！掛住睇電話！」

工人姐姐望一望，仍繼續睇佢嘅手機，直到尾站

希望各位家長同埋照顧者都要好好看顧自己小朋友，所謂意外是意料之外

讀者投稿@厚多士媽媽