#ParentLicenses1862

我今日坐104號巴士上白田邨。有個婆婆帶着一對小姊弟喺宣道附近上車，目測婆婆大約70歲，小姐姐大約一二年班，弟弟大約K1, K2

一上車，婆婆就對着小姐姐不斷鬧，雖然喺對話之中一個粗口字都冇，但係內容係難聽過粗口

「你唔好做人啦，你做乞兒啦！」
「食屎啦你！食咩雪糕？買嚿屎俾你食呀！」
「讀書又唔叻、性格又衰，你啲咁嘅人邊有人錫！」
「我係你阿婆嚟㗎！你唔好咁𥇣住我，你睇吓我會唔會一巴打死你！
「細佬你千祈唔好跟住家姐啊！佢呢啲人冇用㗎！」
「我冇本事湊你，到你10幾歲容乜易攞刀斬我呀！叫你阿媽自己唔好做嘢湊你啦！」

短短不到10分鐘嘅車程，婆婆不斷好侮辱咁鬧小姐姐，而且重叫個弟弟一齊排擠，然而小姐姐一直忍住眼淚，冇喊亦冇吵鬧

小姐姐孭着紅色格仔書包，弟弟着住白衫紅褲PE衫，我希望媽媽會留意到，可以同婆婆傾吓點同小朋友溝通

面對呢啲把口臭過屎嘅老人家，正常人都迫癲。有時唔好怪個小朋友曳，要諗吓自己做過咩

如果係我，唔使等10幾歲先搵刀斬佢

讀者投稿@普通媽媽