#ParentLicenses1857

今日推住架BB車，當時我個女喺架BB車上面，正前往商場入面嘅茶記買飯

買完飯好自然就走，但商場出口勁多人，推住架BB車嘅我又好驚撞到人，亦都唔想俾後面嘅人撞到。我望一望前面，見到有一堆人，最前塞喺個門口有三個小朋友（目測6至9歲咁上下），佢哋三個一字平排喺度打緊機，而且重停咗喺個門口度

我就大聲講：「唔該前面可唔可以唔好掛住打機，行咗出去先？」

怎料呢三個小朋友其中嘅一個阿媽（定係呢三個小朋友嘅阿媽）就喺我後面度大聲話我：「關你咩事？」

另外，重有個疑似小朋友嘅阿爸又幫口話：「你BB車應該行斜路啦」

然而，其實個商場要出咗門口後，再轉彎才有一邊斜路一邊樓梯

我大聲叫完嗰三個小朋友，佢哋都重仍然係掛住打機，但係有行到出去嘅

佢阿媽重不停喺度話我啲唔知咩，但我已經行緊斜路嗰邊聽唔清楚。直到行到出商場外，個阿媽係咁望後睥住我

我忍唔住講咗句：「一邊行一邊打機，因住仆親」

跟住個阿媽回擊：「我個仔打機關你x事呀！」

再一次真心覺得「生仔真係要考牌」

文章來源：讀者投稿@ RP