#ParentLicenses1773

今日帶狗仔去西九玩，行到去M+後面一個較少人嘅位置，見到一班幼稚園學生著晒畢業袍咁影緊相，我估應該係影畢業相

突然間，聽到其中一個幼稚園男家長大聲吆喝另一名路人家長：「唔好再俾個小朋友喺中間穿插影響拍攝得唔得？！」

跟住個穿插小朋友嘅家長就同樣咁大聲地回應個幼稚園家長：「你係惡人，呢度你買咗？」

我喺旁邊聽到守門口阿姐話：「個小朋友已經穿插咗好多次，一直都無人阻止（包括幼稚園家長及穿插小朋友家長）」

然後個情況就係兩個男人互相對罵，穿插小朋友老豆句句粗口，反而幼稚園男家長雖然都好惡，但又真係一句粗口都無講過

最後穿插小朋友家長離開，但繼續遠距離用粗口話幼稚園男家長係惡人，幼稚園男家長最後回應：「我一句粗口都無講過，你就句句粗口，而家邊個先係惡人？」

讀者投稿@西九文化區訪客