#ParentLicenses1723

屋企附近開咗間新嘅室內遊樂場，今日同啲細路去玩

唔知係唔係因疫情嘅關係，令大家少咗曬命機會，發現而家啲家長好好笑。有啲呀媽拎住個「H」袋或「C」袋就會好似英女皇上身咁，行過要挺起胸膛成隻蟹咁行，仲要不停睇下人哋有無望到佢個袋

然而啲細路一係就自生自滅，一係就工人睇。而同一共通點就係好似佢係包咗場咁，只要有其他人行過、路過、經過，近3步距離就會目露凶光。一係就連排隊都唔識，再唔係就做人肉屏障，將條路封咗變私家路玩車車

其實你拎得個幾萬嘅手袋嚟湊仔，不如直接拎萬零蚊包咗個場去算啦！咪陣間其他小朋友揩親你個小朋友或者個袋就唔好啦！

仲有，而家「H」牌咁易買？連黑金/大象灰金扣都同場有4至5個？屬真屬假，其實睇你俾人望住個袋30秒即收埋個袋喺身後就已知真假

算吧啦，做返地球人好嗎？

利申：自己都有幾隻袋，加埋都夠買到層樓嘅，未計手錶、手飾等。嗱，我唔係曬，只係想証明無仇富，亦無睇唔起正常人。我都只係一個平凡師奶，去呢啲場所全身街坊裝，只係拎個環保袋

讀者投稿@8掛c9一名