#ParentLicenses1375

23/6/2021，早上 9:30，我帶小朋友落屋苑平台玩

因為落雨關係，我哋就只可以去有蓋兒童遊樂場。去到竟見到有位女士無戴口罩做早操（揈手），好聲提佢戴口罩，點知佢即刻潑婦駡街

🧑🏻‍🦳：「我犯法啊？你報警呀！點解我要就你哋呀？你業主我夠係業主啦！細路大晒啊？」

我：「呢度係兒童遊樂場，牆壁上都寫咗要戴口罩」

🧑🏻‍🦳：「我嚟呢度先㗎喎，你唔鍾意咪走囉！做運動點解要戴口罩？」

小朋友超驚，攬實我。我著姐姐先帶小朋友返屋企，我留低處理

我知做運動係唔使戴口罩，但係佢一個人唔戴口罩，導致冇其他小朋友可以去玩；同埋嗰度係兒童遊樂設施，周圍亦都寫咗一定要戴口罩

管理員嘗試去勸退，嗰位女士亦潑婦駡街咁大聲鬧管理員

路人A：「牆上面都寫咗要戴口罩啦，你唔識字㗎？」

🧑🏻‍🦳：「係呀，我唔識字呀，咁點啊？」

路人B：「你正垃圾」

🧑🏻‍🦳：「係呀，咁點呀？」

聽返其他人同我講返，原來佢每朝都係咁，但係如果其他人唔戴口罩，佢又會走去鬧人。其他啲工人姐姐，家長，都有每日投訴佢，亦都怕咗佢

仲有，原來佢自己都會帶小朋友落街，佢同小朋友都係唔會戴口罩

有陣時唔係話法例上容許你做運動唔戴口罩就得，都要睇情況、睇地方，因為一個人唔戴口罩，導致冇其他人可以玩，呢啲叫「自私」

圖片來源@Jay Jay
讀者投稿@Jay Jay