#ParentLicenses1625

聖誕夜，打算搭巴士去下一個轉車站，當時我排緊一條巴士線（1）

呢個轉車站有兩架巴士路線（稱（1）同（2））都可以搭去另一個轉車站再轉車，兩條路線分開兩條隊

本來有兩個呀姨排我前面，巴士線（2）架車嚟到但爆咗，之後有4個大人同3個細路插入嚟巴士線（1）條隊伍

我：「點解你哋兩個人排，可以插兩家人入嚟？」

嫲嫲：「我哋一直排緊」

我：「你哋排（2），爆咗就插入嚟？」

爸爸：「你點呀？你講嘢？」

媽媽A：「你邊間學校？」

媽媽B：「你有無小朋友？小朋友攰無排入嚟！」

我：「無，想知你哋點教小朋友！咁插都得？」

媽媽B：「即係你無小朋友啦！」

嫲嫲：「我哋排開咗啲啫！」

公公：「我哋係排緊！」

我：「（問後面）排後面嘅人，兩個人排隊有兩家人插咗入嚟，你哋有無問題？」

（後面死寂望下無回應）

我：「原來咁教都得？教到大陸人咁樣！」

（車嚟到）

公公：「咁你上先」

（我上前上車）

爸爸：「你咪打尖囉而家！」

我開心嘅，畢業十幾年都仲俾人當我係學生！讀咩學校好重要？雖然我都ok高學歷。另外，我無小朋友代表咗咩？有小朋友就好叻，要全世界遷就？

開放討論：
一、搵人排住先個個都會，咁幾多先正常？
二、個個都低頭唔理前面，有無人會聽人講下嘢，再支持或反對同幫手講嘢？
三、有小朋友大晒？

讀者投稿@單身人士