#ParentLicenses1592

今日我同兩個女喺屯門西鐵站上車，另外有一個女人搭同一班車

我大女今日無理扭計咗成日，我都忍唔住要鬧佢；鬧完佢都仲係喺度扭，忍無可忍之下，我就係咁意打咗佢兩下

呢條八婆（即同時上車嘅女人）就大聲兇我、話我：「做咩鬧個女，打個女？」

我話：「教女幾時到你出聲多事！？」

佢話：「你打佢我就要出聲」

我話：「真搞笑，而家又唔係打你，又唔係打你個女，關你叉事？」

跟住個女人仲要喺度嘈

我話：「唔滿意咪報警囉，我天水圍站落嘅，咪天水圍站落，一齊去報警囉」

佢仲好型咁話：「好呀，報丫！係咪真係天水圍站落丫？」

到我落車，我大大聲叫佢：「阿姐，到天水圍啦！落車報警呀！」

佢唔敢再出聲，成件事我真係火都嚟！我唔敢講我教女嘅方法係咪啱同好，但人哋教女時，旁邊人最唔應該多事，就算親人都係咁話，更何況我同你三九唔識七，仲要大聲兇我？無病呀你？！

讀者投稿@天水圍潑婦