#ParentLicenses2781

我係主張唔生小朋友嘅人。

我見過身邊唔少人，因為只顧滿足自己大人嘅想法而選擇生小朋友。但我真心希望，每個人都可以先梳理好自己心入面嘅恩怨同心結，唔好將未解決嘅問題拖累到下一代

個案一

夫妻感情已經走到盡頭，老公明顯出軌亦毫無挽留意思，但老婆卻不斷要求生小朋友，只為證明兩人之間仍有一絲關連，仍存在憐愛。結果一個接一個地生，明知自己經濟條件有限，最後前後生咗三個
.
每日嘅動力就係喺Facebook放相，扮演好媽媽，向身邊人強調小朋友就係自己嘅一切。但實際上，只要一觸及感情問題，就會情緒崩潰，甚至遷怒打仔，成為一個被困於矛盾同痛苦入面嘅媽媽

個案二

爸爸自細喺嚴厲管教下成長，感受被忽視，只被迫追求滿分、升學、搵好工。心底裡最討厭、甚至睇唔起自己父母。後來為結婚而結婚，搵個女人生小朋友，只為證明原生家庭嘅教育方式係錯，覺得自己曾被迫害

口口聲聲話自己一定會做得更好，但實際上卻複製返一模一樣嘅模式：小朋友一星期有一半時間都要上額外興趣班同功課輔導。結果小朋友出現情緒問題，佢仍然選擇否認，堅持覺得自己嘅教育方式冇問題

個案三

因為原生家庭重男輕女，媽媽自細就被父母睇小、忽視。成長後好不容易建立咗屬於自己嘅家庭，亦生咗小朋友。當父母年老需要照顧、希望修補關係時，媽媽卻故意同小朋友講外公外婆嘅不是，想藉住小朋友嘅口去羞辱、報復父母。聚會上，小朋友當面嫌棄外公外婆老邁、唔識用電子產品，媽媽只係冷笑，完全冇阻止，任由矛盾延續落去

以上屬真實個案分享，如有類同，實屬不幸

讀者投稿@我係我媽舊叉燒