#ParentLicenses2738

上星期在餐廳隔幾枱見到一家四口，兩個小朋友大約係幼稚園年齡，個細女喺食飯期間不斷移動椅子發出煩人的推拉聲音，口就媽媽媽媽媽叫不停（聲線比較大），而且整跌咗好多飯落地下，情況維持咗十至十五分鐘

眼見爸媽沒有制止或叫佢細聲啲，真係好騷擾！鄰桌食客坐喺隔離，影響有幾大可想而知

卒之鄰桌食客忍不了，就細聲又有禮貌地提出：「可否細聲啲？」

爸爸第一句就話：「小朋友喺咁㗎啦，而且密閉空間係嘈㗎啦」一輪嘴咁講過不停，鄰桌頂佢唔順走咗，佢仍然不停話人唔啱，小朋友係咁嘈㗎啦

我心諗：「冇家教先會嘈囉」

但恕我細膽沒有幫口，但喺呢度可以話俾佢聽，小朋友唔係咁㗎，小朋友學得好快，有咩係啱同唔啱都係需要大人去教嘅。姑勿論當時個大人可能覺得被人話覺得冇面，所以不停反駁，此為反面教材，眼見啲父母喺小朋友咁細個已經既唔想理又唔想教，何必要生呢？

讀者投稿@朱師奶