#ParentLicenses2737

次次去親屯門公園都係好火滾，除咗啲細路大部分講普通話又無規矩之餘，啲家長都係好無禮貌

話說有日同我女去屯門公園，去到玩水區，有個三歲左右嘅細路仔，佢不斷搶其他小朋友手上嘅玩具，我講緊係唔只一兩個，係逢見到小朋友手上揸住玩具嘅佢都會去搶走。我小朋友手上嘅玩具都被佢搶走咗五六次，次次都係我哋家長幫佢拎返嚟

體諒小朋友唔識禮貌，無問題，但佢家長呢？一開始我以為無家長喺佢身邊，直到佢搶咗我女手上東西第五次嘅時候，喺我開聲嗰陣，我先發現原來細路嘅父母一直企喺佢後面，睇住佢不斷搶其他小朋友嘢而唔出聲。細路搶返嚟嘅玩具，佢爸媽不旦冇幫佢還俾人，更只係擺咗喺櫈上面就由佢算

當細路搶到我女開始唔開心，問我點解小朋友成日搶佢嘢嗰陣，迫使我要出聲話佢。然而，佢爸媽繼續唔出聲，企喺度望住佢而已，默許細路繼續搶其他小朋友嘢。我同佢爸媽講請看管好細路時，佢爸媽無回應扮聽唔到，然後轉身離場

我戥個細路慘咋，父母無俾正確價值觀佢之餘，我都感受到佢父母都係好無禮貌兼無品。果然有其父必有其子，細個就係公園搶人玩具，希望佢大個唔好搶人銀包

順帶一提，如果老豆老母唔識講嘢，都可以試下同我手語溝通，淨係企喺度望住，我以為你哋啞㗎

讀者投稿@公園手語翻譯員